Já það er óhætt að segja að veturkonungur er farinn að minna á sig,grátt niður hlíðar og skíta kuldi úti bbrrrrrrr
Daman okkar átti afmæli 2.okt s.l. og var haldið uppá það með pomp og prakt s.l. laugardag þá komu fullt af vinum í "barna afmæli" og svo var "fullorðins afmæli á eftir" svo fengu hún og Guðrún Ósk að gista saman heima hjá Guðrúnu, svaka sport.
Daman er byrjuð að æfa á pianó er algjör snillingur að okkar mati (og pianó kennara) ekki er ég að skilja neitt í þessum nótum en hún er nú ekki lengi að þessu. Við fórum á vestfjarðarmótið í sundi um daginn og er Sigþór alveg að brillera í sundinu þessa dagana er alltaf að bæta sig,  hann fékk 2 brons peninga, hefði náð þriðja en gerði ógilt en mistök eru til að læra af þeim og tel ég að minn drengur muni nú gera allt til þess að láta ekki dæma sig fyrir sama hlutinn aftur því hann varð að vita hvað hann gerði ógilt ,hann varð bara ekki rólegur fyrr......
Ýmislegt hefur verið í gangi hjá vinum okkur líka Ingibjörg og Hæi orðin amma og afi, til lukku með það  og hún Kiddý mín varð 50. ára í gær til lukkur með daginn darling
Ég sjálf er komin á átaksnámskeið, loksins, og er að berjast við aukakílóin eins og margur annar og gengur bara nokkuð vel, 7,9,13, bank bank........ mæti ég 4 í viku og nota bene erum við 3x í viku kl: 6:10 í morgunsárið (eða um nótt eins og sumir segja) ég er einnig byrjuð á nýju Rope Yoga námskeiði sem mér finnst alveg frábært, mæli eindregið með því að fólk prófi
Hilmar er í seinni túr á sjó núna þannig að við bíðum eftir honum heim í frí í næstu viku. 
Ég hef ekki hugmynd hvenar ég mun gefa mér tíma til að blogga næst en vona bara að þið sem fylgist með okkur hér í Fjarðarstrætinu haldið á að vera þolinmóð og kíkið við og við hér á síðuna
þar til næst TÚRRÍLÚ

Eitthvað hef ég nú fengið að heyra að ég sé ekki nógu dugleg að blogga og mun ég gera það sem ég get til að taka á þessari "bloggleti"
Við fórum suður um daginn í 80 ára afmæli hjá henni ömmu minni og var mjög gaman við gerðum ýmislegt af okkur fórum í bíó, sund o.fl. vorum löt í Mosó, kíktum á Lindu mína, Gugga var svo elskuleg að passa krakkana og hundinn á meðan við vorum í afmæli.
Við fengum pianó hjá mömmu og pabba sem við eigum að geyma eða réttara sagt á Eva Björg að læra á það sem hún er byrjuð að gera og er algjör snillingur í því ég bara skil ekki þessa hebresku en hún virðist ná þessu svo auðveldlega:þ  það verður gaman að sjá hvað hún mun kunna að spila um jólin því eftir aðeins 4 tíma er hún búin að læra 1 lag og er farin að læra annað Hún er líka í ballett og sundæfingum þannig að það er nóg að gera hjá dömunni
Sigþór er á sundæfingum og er að standa sig vel þar, hann vildi ekki fara í tónlistarskólann núna sem er kannski ágæt því honum finnst vera mikill munur á náminu og hvað eigi að læra heima sem er kannski ekkert skrítið því drengurinn er kominn í 5.bekk
Hilmar er í seinnitúr núna þannig að hann verður í fríi næstu viku, bíð og ég bíð, en tíminn er samt alltof fljótur að líða, þið sjáið það að nú þegar er kominn 16. september áður en við vitum af erum við búin að halda jólin
Nóg er að gera í nuddinu hjá mér og svo er ég ennþá að panta inn og setja upp fyrir heildsölur í bónus (sumsé verktaki)
og OMG það nýjasta nýtt er að ég er farin að prjóna peysu sem ég hef aldrei gert áður og nota bene með einhverju svakalegu munstri, ooohhh hún Þórey að plata mig út í þetta

Snjólaug Ásta og Eva Björg stunda verslunarrekstur við Tangagötu á Ísafirði.

bb.is | 15.08.2008 | 16:02Koma ísfirskum verslunarrekstri til bjargar

Hin unga athafnakona, Snjólaug Ásta, opnaði nú fyrr í vikunni sjoppu í Tangagötu á Ísafirði. Þar selur Snjólaug límonaði, heimabakstur, sætindi og annað tilfallandi, og mun verði mjög stillt í hóf. Er það mál manna að verðlagning Tangasjoppunnar sé jafnvel sú hagstæðasta á Ísafirði og gott ef ekki landinu öllu. Umsvif ku hafa verið mikil frá því verslunin opnaði og sá Snjólaug Ásta sig knúna til að bæta við mannskap, og var það Eva nokkur Björg sem hneppti þetta hnoss. Opnunartími sjoppunnar er sveigjanlegur en þó er yfirleitt opið frá 11 til 19.

Eins og sagt hefur verið frá opnaði annar ungur athafnamaður, Patrekur Hermannsson, verslun við æfingavöllinn í Tungudal á dögunum, þar sem seldar eru golfkúlur og –tí ásamt léttum veitingum. Verslunarrekstur virðist höfða sérlega vel til ísfirskra barna nú um stundir – á meðan fullorðna fólkið leggur árar í bát og lokar sínum búðum, en eins og sagt hefur verið frá hefur fjöldanum öllum af búðum verið lokað á Ísafirði á síðustu vikum og mánuðum.

eirikur@bb.is

frá því að ég skrifaði síðast erum við búin að fara á ættarmót Gromsara á Laugum í Sælingsdal og vorum við aðeins rúmlega 250 manns þar samankomin og var það mjög gaman. Við komum svo heim 20 júlí og vorum þá búin að vera í 20 daga í burtu
Við nýttum þessar tvær vikur vel sem við vorum heima, Hilmar þurfti reyndar að skreppa suður að ná í Pál í slipp en á meðan ákvað ég að hætta að reyna þessa "grillpinnaræktun" (setti niður græðlinga fyrr í sumar og voru þeir eins og grillpinnar) og fór og keypti mér 10stk af Douglasarvíðir og vona ég að það muni plumma sig, en Ásthildur ráðlagði okkur að setja niður eitthvað til að draga úr vindinum og var Hilmar nú ekki lengi að redda því og keypti girðingareiningu og setti upp.
Okkur var boðið í grill hjá Ingu og Gísla og var mjög huggulegt og gaman og endaði með því að Eva Björg varð eftir og svaf hjá tvíburunum:þ 
Við ætluðum að fara á flandur um verslunarmannahelgina en ákváðum að vera heima og bjóða mömmu, pabba og Bjarka vestur, veðrið var alveg frábært og sagði pabbi marg oft " þett er alveg ótrúlegt veður miðað við Ísafjörð"
Okkur var svo boðið í síðbúið 40 ára afmæli hjá Ragga Sæsa á laugardagskvöldið og var grillað marg rétta og svignuðu borðin undan mat og einnig var allt á floti af drykkjarföngum, sumir drukknuðu en aðrir höfðu kúta:þ en við nefnum engin nöfn. Takk fyrir frábæra veislu
Nú svo var bara mætt í sund í Bolungarvík kl:10:30 morguninn eftir og svo var farið í fjallgöngu og enduðum við á að fara yfir að Holti og taka þátt í sandkastalakeppninni og gerðum við píanó og gekk það svona og svona,,, en við verðum betur undirbúin næst en alltaf á að muna að það er gaman að vera saman og taka þátt
Nú svo um kvöldið var okkur boðið að taka spil heima hjá Ingibjörgu og Hæa en þar sem við vorum enn í þurrki eftir kvöldið áður var bara kvöldið tekið rólega en spilað framá kl:2:30, en Ingibjörg mín átti afmæli þann 4. ágúst
Svo héldu helgar gestirnir suður. Við ættluðum að fara á þriðjudeginum í smá útilegu en Sigþór fékk boðskort í afmæli hjá Balla vini sínum og átti að halda uppá það í Vigur, ekki hægt að sleppa svona spennandi boði því var brottför frestað þar til eftir veisluna á miðvikudeginum og við afstað þá og keyrðum á Stykkishólm og fórum beint í sund og svo var tjalvagninn reistur og bara huggó. Nú auðvitað var farið í sund um leið og það var vaknað og svo var pakkað saman og farið afstað og snæfellsnesið skoðað. Við enduðum í Borgarnesi og í sund (hvað annað) og þá var það spurningin áttum við að reisa vagninn eða fara í Mosó, það var sumsé ákveðið að faraí Mosó útaf rigningu. Við létum engann vita af okkur og mættum bakdyramegin hjá mömmu og pabba og held ég að mömmu hafi aldrei brugðið eins mikið
Á föstudeginum fórum við beint í sund í gömlu laugina í Kópavogi og er hún alveg hreint út sagt frábær, búið að gera heilmikið við hana og fínerí. Svo var haldið af stað í 365 miðla því krakkarnir voru svo heppin að vinna í Wall-E leiknum á Bylgunni. Þá var komið að því að pakka saman fyrir krakkana því þau fóru svo í bústað með ömmu og afa en við "gamla" settið fórum á Eric Clapton tónleikana og svo beint austur í í bústað til þeirra þar vorum við framá mánudag og fórum þá heim í sæluna
Það eru margir búnir að spyrja um tónleikana með Eric Clapton og ætla ég þvi að segja ykkur mína skoðun hér
Það var mjög gaman að upplifa það að fara á tónleika með "gamla" manninum, en einnig bara yfir höfuð að fara á svona stóra tónleika því ég hef aldrei farið á svona stóra tónleika EN ég get sagt ykkur það að ég varð fyrir vonbrigðum held að aðeins allhörðustu aðdáendur hans hafi notið sín því hann spilaði aðeins 2 þekkt lög og það versta af öllu hann spilaði ekki Layla
Sumsé eins og staðan er gaman að fara en myndi ekki fara aftur á tónleika með honum

Heilmikið búið að vera gerast hjá okkur. Keyrðum suður til Reykjavíkur þar sem Hilmar er að vinna í Páli sem er í slipp í Reykjavík, sem er kannski ekki frásögufærandi nema að allt er á eftir áætlun, það átti að taka Pál upp í sleðann miðvikudaginn s.l. en hann var ekki tekinn upp fyrr en í gær sem er 6 dögum á eftir áætlun. Ósköpin öll eru af portúgölum sem eru að vinna í slippnum sem skilja ekki íslenskuna og varla ensku þannig að þetta gengur svona upp og niður.
En við fórum í heimsókn á Litla háls á síðustu, sem er má segja hestaóðal sem mamma og pabbi hennar Guggu vinkonu eiga og var það alveg frábært, alveg glæsilegt veður, gáfum hestunum brauð, týndum egg hjá hænunum og lékum okkur á fjórhjóli og sexhjóli.
Ég varð nú svoldið brunnin eftir veruna þar en ekkert illa hélt mig frá sólinni í einn dag
Við komum við í Hveragerði á leiðinni heim og hittum vinafólk okkar sem við höfum ekki séð alltof lengi, börnin allt í einu orðin fullorðin
Við erum búin að kíkja á Lindu og Kristján og er verið að spá í að elta þau í bústað með þeim og Hafrúnu og Sverrir í úthlíð um helgina.
Ragna mín (hans Olla) er á fullu í að vökva fyrir mig græðlingana og sjá um allt fyrir mig, þessi elska. Verð að gera eitthvað fyrir þessa elsku.
Hlakka til að sjá ykkur dúllur fyrir vestan en það er líka mjög gaman að getað dúllað sér með dúllunum hér fyrir sunnan
Luv

Hefði betur sleppt þessu Costa Del ísó
Það byrjaði að hvessa verulega seinnipartinn í gær og sá ég þegar ég var að fara að sofa að það var búið að grána í toppana á Þverfjallinu ég meina það, nú svo þegar ég vaknsði áðan þá var búið að grána í toppana á fjöllin hér líka hvað er í gangi!!!!!!
En eitt er víst að við búum á Íslandi og erum ýmsu vön, þurfum reyndar ekki að búa á Íslandi til þess að vera vön svona veðurbreytingum því að Svíar fengu haglél á sig í síðustu viku
En Páll Pálsson ÍS fór á sjóinn í gær og eru það síðustu dagar fyrir 5 vikna stopp sem er svona langt útaf kvótaskerðingu (fer í 2 vikna slipp). Margir krakkara hugsuðu með sér að nú væri gaman að fara með pabba á sjóinn og var Hilmar búinn að fá leyfi hjá Palla skipstjóra að taka Sigþór með, sem hætti við (sem betur fer) þar sem frændsystkyni þeirra eru að koma vestur yfir helgina, ég segji sem betur fer því það er hörku haustbræla úti á sjó ein af þeim sem fór út á sjó er hún Ágústa mín (jafn gömul og Sigþór) og þegar Hilmar talaði við mig í morgun lá hún dormandi í matsalnum með vatn og plastpoka og hafði ælt í morgun, elsku stelpan en hún er nú ekki sú eina sem varð sjóveik af þessum 5 krökkum sem fóru því 3 af strákunum voru frekar slappir, en svona er sjómannslífið.
Rannveig litla vinkona mín (dóttir Sillu) átti afmæli síðasta mánudag og er hún að fara að halda uppá afmælið sitt í dag og munum við kíkja á hana þannig að það er ýmislegt skemmtilegt að gera þrátt fyrir leiðinda veður
Krakkarnir hennar Rögnu systir komu vestur með pabba sínum og Stínu(kærustu) í gærkvöldi og ætla að vera í tjaldvagni hér yfir helgina (leiðinlegt að veðrið sé svona loksins þegar þau koma) og hafa krakkarnir mínir beðið mjög spennt yfir því að þau mæti á svæðið, nú í þessum skrifuðu orðum er bara beðið eftir að tjaldbúar vakni og hafi samband
En ef það er ekki veður núna til að taka til innandyra þá verður það sennilega ekki það sem er eftir sumars þannig að ég kveð að sinni og set á mig gúmmíhanska og læt renna í skúringarfötuna

Veðrið er búið að vera með eindæmum hér á Costa Del Ísó
Erum sumsé bara að njóta sumarsins, krakkarnir á námskeiðum og ég að vinna og þess á milli að sleikja sólina
Vona að þið hafið það eins gott og við

Jumin eini hvað ég er að fá græna fingur ég er búin að planta og dúlla mér svo mikið í garðinum mínum að ég held bara að ég komi ekki fleiri blómum niður nema að fara að rífa eitthvað af grasinu í burtu enda búið að vera alveg bongó blíða hér síðan við komum heim úr henni Reykjavik.
Sigþór er á siglingarnámskeiði hjá siglingarklúbbnum Sæfara og er finnst það alveg frábært, hann var svo heppinn að fá að fara 2 vikur í röð (2 námskeið) og Eva Björg er á leikjanámskeiði hjá honum Árna og finnst svaka gaman.
Ég fór í jarðarför s.l. laugardag hjá pabba hennar Írisar (Jón Hjörtur) var þekktu undir nafninu Kæi, ofsalega falleg athöfn og votta ég fjölskyldunni alla mína samúð. Íris er ein af þeim stelpum sem maður getur alltaf talað við síðan í denn.
Það er búið að vera nokkuð að gera í nuddinu, hélt reyndar að það myndi minnka yfir sumarið en ekki enn allavega og ekki kvarta ég yfir því
Hilmar eða réttarasagt Páll Pálsson kom með fullfermi í land á laugardagsmorgun s.l. sem er bara gaman og svo var okkur boðið í svaka grill hjá Þórði og Þórey og hugguleg heit, enduðum á að kíkja við hér heima og fórum svo í Edenborg (reyndar bara í smá tíma).
En svona er lífið hjá mér þessa dagana

Vorum að koma heim í dag en við skruppum suður í höfuðborgina í brúðkaup hjá Láru og Gunnar Atla þar sem ég var veislustjóri og gekk bara vel. Mjög eftirminnilegt brúðkaup þar sem að hringarnir gleymdust og eitthvað rugl varð með brúðarvöndinn, en brúðurinn fékk háborðsskreytinguna til að halda á í kirkjunni, en það reddaðist allt presturinn kom í veisluna og gerði skemmtilega athöfn þegar þau settu upp hringana, eins og sagt er "fall er farar heill"
Frekar óvenjuleg suðurferð hjá mér þar sem ég náði ekki að heimsækja neinn nema Guggu til að ná í börnin (Linda mín  ég kem fljótlega), en Gugga og foreldrar hennar voru svo frábær að bjóða krökkunum að koma í "sveitina" og fóru þau á laugardagsmorgunn eftir að Gugga var búin að gera mig og Hilmar nógu fín í brúðkaup:þ og var svo gaman í sveitinni með þeim að þeim bara langaði ekkert að koma og komu í bæinn seinnipart sunnudags og þá vorum við svooo þreytt gömlu hjónin að við nenntum ekki að keyra vestur en ákváðum að vakna snemma og keyra vestur þar sem Hilmar fór á sjóinn í dag

Sigþór átti afmæli í gær og var gæjinn 10 ára alveg hreint út sagt ótrúlegt hvað tíminn er fljótur að líða.Kl 15 var blásið til veislu en það komu um 17 krakkar og var bara mjög gaman hjá þeim, það var leikið inni og úti en aðallega úti í vatnsbyssustríði og á trampólíni. Þegar krakka partýið var búið þá komu amma og afi í Brungó og allir hinir fullorðnir vinir og börn, þannig að það var standandi party hér framá 21:30 þegar síðustu gestirnir fóru. En krakkarnir voru nú ekki búin á því og héldu á að leika sér með Gerði frænku sinni, en hún er hér hjá okkur í sumarfríi, langt framá kvöld og var ekki farið að sofa hér fyrr en 00:30 þvílíkt kæruleysi hér En allir sælir og glaðir

Búið er að ná í tjaldvagninn í geymslu, smúla stéttina úti í garði, bera tekkolíu á útihúsgögnin og fleira og fleira
Við fórum á ballett sýningu hjá Evu Björg og var hún rosalega flott hefur farið mikið fram, var hennar hópur "Blóm" og stóðu þær sig allar rosalega vel eins og allir nemendur LRÓ.
Krakkarnir eru byrjuð í prófum eins og allir aðrir og bíða spennt eftir að sumarfríið byrji
Við fórum í Evróvision partý til Ingibjargar og Hæa s.l laugardagskvöld (takk fyrir flott kvöld) og var ég alveg rosalega ánægð með Friðrik og Regínu, algjörir snillingar svo kíktu Edda og Steini á okkur og fórum við með þeim á kaffi Edinborg og svo var rölt heim í rólegheitum, bara næs
Sjómannadagurinn er á næstu helgi og þá á að gera eitthvað húllumhæ vona að það lukkist vel því þeir sem halda utan um þetta hér hafa bara alls ekki verið að standa sig hér á Ísafirði. Vona að það verði nóg af skemmtiatriðum fyrir alla aldurshópa Sjáum hvernig það verður

Mikið er maður farinn að vera latur að blogga
Það er líka mikið búið að vera í gangi.
Þannig 23.apríl s.l. lést Helga María mamma hennar Þórey vinkonu og við tók erfiður tími fyrir Þórey mína og hennar fjölskyldu.
En lífið heldur áfram sinn vanagang....
Hilmar minn átti afmæli 7.mai en var útá sjó en þegar minn maður kom í helgarfrí núna 11.mai var sko tekið vel á móti honum, krakkarnir voru búnir að gera sitthvora gjöfina fyrir hann, sem að við keyptum smá glaðning frá okkur öllum fyrir hann (hann fékk 3 pakka) einnig voru krakkarnir búnir að plata mömmu sína til að baka eina skúffuköku í morgunsárið og var skrifað á hana BESTI PABBI 'I HEIMI, þau eru svo yndisleg
Nú þann daginn tók við þrif, undirbúningur og salatgerð o.fl. því búið var að blása til 80 ára afmælisveislu en við urðum sumsé 80ára saman (gamla settið) og var von á fullt af fólki sem mætti svo um kvöldið, það var etið og drukkið og svo kom Gummi Hjalta og trúbbaðist fyrir okkur og myndaðist heifta stemming við það.
Við Hilmar fórum nú bara hjá okkur við allar þessar gjafir takk kærlega kæru vinir
Það er gott að eiga góða að en stelpurnar mínar þær Ragna, Þórey, Jóna, Silla og Hulda hjálpuðu mér alveg rosalega mikið með að gera alveg frábæra rétti sem runnu út:þ Takk æðislega stelpur mínar
Nú svo var farið í fermingu á Hvítasunnudag hjá honum Salmari Már (sonur Ingibjargar og Hæa og Salmars) og var veislan haldin útá Arnarnesi og var gæjinn ekkert smá flottur í hvítum jakkafötum með svartann hatt
Í dag á  Patrekur hennar Þórey afmæli, til lukku
Heilmikið framundan Eva Björg er að fara að æfa fyrir vorsýninguna í ballett og Sigþór ætlar að fara að keppa í sundi á næstu helgi.
Nú svo má ekki gleyma því að ég er búin að kaupa mér roslega flottann nuddbekk enda alltaf nóg að gera í nuddinu 

já þetta er svoldið skondið að ég litla stelpan hennar mömmu og hans pabba sé orðin 35
Það hafa nokkrir kíkt í heimsókn og er ég búin að fá ósköpin öll af símtölum og sms í dag ásamt nokkrum pökkum
Við eða sumsé börnin ákváðu það að við (ég) yrðum að baka köku og nú átti sko að nota bangsaformið góða sem Gugga arfleiddi okkur af þegar hún flutti suður og var það bara alveg fínasta kaka

En nú er gamla konan alveg búin á því og ætlar að fara að halla sér

Jæja maður fer að skammast sín fyrir að vera svona latur að blogga
En það er búið að vera nóg að gera frá því síðast
t.d. fórum við suður ég og krakkarnir í fermingu hjá Svönnu frænku, mikið svakalega var hún fín. Og verð að minnast á það að ég fór í fyrsta skiptið á Akranes þá, Svanna á sumsé heima á skaganum.
Nóg er að gera í nuddinu og er ég rosalega ánægð með það, aðsjálfsögðu og einnig nóg að gera í Bónus líka.
Krakkarnir eru að standa sig mjög vel í skólanum og sundinu og eru spennt yfir því að "sumarið" sé að koma, það er búið að vera hlýtt og gott veður og er snjórinn farinn að minnka verulega í garðinum, með smá hjálp (erum búin að vera að moka og dreifa þannig að hann bráðni fyrr, segjiði svo að maður sé orðinn klikkaður eftir veturinn
Sigþór er að fara með Vestra á Húnamót á helginni en þannig var að við ætluðum öll að fara en Hilmar þurfti að fara útá sjó, þannig að við mæðgurnar ætlum að vera heima og halda stelpupartý en Eva er búin að vera bíða eftir því að fá að bjóða nokkrum stelpum í náttfatapartý
Hvað Hundinn varðar (fyrir ykkur forvitnu) þá gengur bara mjög vel með hana , hún er öll að koma til og búin að stækka alveg ótrúlega mikið.
Ég ætla að láta þetta duga í bili...........

ýmislegt hefur verið dundað sér við undanfarna daga.
Sigþór fór á skíði á skírdag á meðan við dúlluðum okkur hér heima og svo var farið í partý til Sillu og Ragga um kvöldið þar sem við spiluðum og dönsuðum og alles
Á föstudeginum var svo farið í fjölskylduferð og fórum við áleiðis uppá á Breiðadalsheiði með sleða, Þórður og Þórey komu með 2 snjósleða, Óli Helgi kom með sinn snjósleða og svo kom Reimar úr víkinni með sinn snjósleða og var svaka stuð hjá öllum krökkunum, þeim var keyrt upp í hlíðina og svo var brunað niður, það var líka stuð hjá mér þar sem ég fékk að prófa einn snjósleðann og fékk ég voða "kikk" út úr því
Svo var farið heim að baka pönnsur þar sem mamma, pabbi, Siggi og Bubbi voru að renna í bæjinn til að vera hjá okkur yfir páskana. Á laugardeginum var farið í sund o.fl og svo fórum við í mat til Þórey um kvöldið, þar sem Mjöll, Raggi og strákar mættu líka og höfðum við það bara kósý.
Hilmar kíkti með strákana á Aldrei fór ég suður en þeir stoppuðu nú ekki lengi við þar sem það var svo troðið og þeir sáu ekki neitt.
Svo á páskadag var náttúrulega borðað yfir sig af súkklaði, Sigþór fór á skíði og svo fóru krakkarnir  í sund með afa sínum, kíkt var á afmælisbarnið (Rúnar frændi 56 ára), borðað páskalamb og svo pössuðu amma og afi krakkana þar sem við Hilmar fórum í partý hjá Ingibjörgu og Hæa  og fórum svo á aðalballið sem var með SSSól, þvílíkur fjöldi og þvílíkt stuð
Nú svo á annan í páskum þurftum við, ég Sigþór og Eva Björg að kveðja alla þar sem amma, afi og strákarnir fóru suður og Hilmar á sjóinn, við reyndum bara að hafa það huggó og gláptum á mynd eftir mynd.
Nú er bara að koma svefni og matarræði í rétt horf því jóga byrjar í kvöld og skólinn á morgun